Locais de ensaio para grupos de música e moitas actividades para mocidade de Vigo.
Despois do concerto da Gala final do sábado 5 de outubro celebrado na Praza da Constitución o resultado final do Concurso foi:
Fotos da final realizadas por Lalo Villar :
CONCURSO VIGO EN VIVO. 2019
Como resultado da derradeira rolda de votacións (combinado de votacións vía web vigosonico.org e as do xurado) saíron os 6 finalistas que tocarán na gala final da que sairán os 3 gañadores que serán elixidos polo xurado ao remate da gala.
O concerto da Gala final será este sábado 5 de outubro ás 20,30hs na Praza da Constitución.
FINALISTAS PARA A GALA FINAL DO CONCURSO VIGO EN VIVO 2019:
A Concellería de Xuventude do Concello de Vigo convoca o Concurso de música “Vigo en Vivo” para grupos de música noveis do municipio de Vigo.
Preténdese fomentar a creación musical e premiar o espírito creativo das e dos participantes a través dun concurso no que as bandas sen disco propio e sen espazos onde tocar, teñan a posibilidade de facelo nas rúas e outros lugares emblemáticos da nosa cidade.
* Poderán participar no concurso grupos e/ou solistas de calquera estilo musical no que, a lo menos, o 50% dos e das compoñentes deberán estar empadroados no Concello de Vigo.
* A lo menos un 75% dos e das compoñentes do grupo deberán ter entre 14 e 35 anos de idade máximo.
* Non poderán ter ningún traballo publicado con anterioridade en ningunha plataforma de difusión de contido audiovisual de carácter profesional.
* No caso de menores de idade deberán axuntar a correspondente autorización paterno/materna.
Vigosónico convoca o V Concurso Videoclips Vigosónico para premiar o espíritu creativo das/os participantes. A convocatoria ten as seguintes bases:
Poderán participar no concurso grupos e solistas de calquera estilo musical, na que o 50% dos/as compoñentes están empadroados/as no Concello de Vigo, para o que se pode solicitar volante de empadroamento ao inscribirse.
1. A participación no concurso é gratuíta e poderá ser individual ou por grupos.
2. Para acceder ao concurso presentárase un proxecto, en formato vídeo, de carácter artístico e calquera estilo musical. O tema ten que ser orixinal tanto en música, letra e todos aqueles contidos inseridos, sendo propietarios/as e da autoría dos mesmos.
3. A duración do videoclip non será maior de 10 minutos, nin ocupar máis de 400 Mb (cunha resolución máxima de 720p HD) en arquivo compatible con YouTube, poderanse xuntar os vídeos con maior calidade para a súa proxección o día da final.
4. Admitirase un máximo de 2 propostas artísticas por grupo ou solista.
5. Aceptarase o material audiovisual en soporte dixital que pode ser achegado en: Pendrive, CD, DVD, etc. e o formato do vídeo (AVI, MOV, etc. ) ten que ser compatible con YouTube, en caso contrario será responsabilidade do grupo ou solista facilitalo nun formato axeitado.
6. Os traballos achegaranse presencialmente nas instalacións de Vigosónico, do 15 de maio ao 15 de xuño de 2018 no horario e días de apertura de VigoSónico.
7. No momento da achega do material audiovisual nas instalacións de VigoSónico as/os participantes deberán entregar a folla de inscrición asinada por todas/os as/os compoñentes do grupo, incluíranse: nome do grupo, título do traballo, características técnicas do vídeo e os datos persoais das/os compoñentes. No caso de que os participantes sexan menores de idade deberan contar ademais cunha autorización dos/as pais/nais ou titores legais.
8. Os/As participantes autorizarán a ubicación dos vídeos polo menos durante a duración do concurso e durante un mes posterior á celebración do mesmo.
9. O contido das obras deberá ser respectuoso, calquera contido discriminatorio será motivo de expulsión do concurso.
10. A participación no concurso supón a aceptación das presentes bases, quedando fóra de concurso as obras que non cumpran algunha das condicións antes expostas.
Apertura prazo de inscricións: dende o 15 de maio de 2018.
Recollida do material audiovisual: do 15 de maio ao 15 de xuño de 2018.
Mostra dos videoclips en YouTube na canle Vigosónico e no blog de www.vigosonico.org: do 17 ao 23 de Xuño.
Proxección videoclips e achega de premios: domingo 24 de Xuño de 2018 a partir das 17:00h.
Estableceránse os seguintes premios:
1º.- Vale de compra da tenda Backstage Guitars de 100 €.
2º.- Vale de compra da tenda Backstage Guitars de 50 €.
3º.- Vale de compra da tenda Backstage Guitars de 30 €.
O sistema de valoración das creacións artísticas estará composto de 3 valoracións parciais para escolla das/os gañadores: un xurado, votación do público no blog de www.vigosonico.org e a puntuación de “positivos” dos videoclips na canle de YouTube de VigoSónico.
1. O xurado estará composto por membros escollidos por Vigosónico con experiencia e/ou profesionais do medio que suporán 2/4 da valoración final. O fallo do xurado será inapelable, os premios poderán quedar desertos si así o xurado o determina. Os criterios a valorar serán a orixinalidade, a adecuación as bases do concurso, a innovación e a creatividade.
2. Os videoclips estarán expostos no blog de www.vigosonico.org cun sistema para a votación online do 17 ao 23 de Xuño . Suporá 1/4 da valoración final.
3. Os videoclips estarán expostos na canle de YouTube Vigosónico do 17 ao 23 de Xuño polo que se valorará ata o mesmo día da proxección os votos en positivo de cada vídeo na canle. Suporá 1/4 da valoración final.
4. A valoración final unha vez obtidas as tres puntuacións faráse pública ao rematar a proxección dos videoclips e posteriormente na web de VigoSónico: www.vigosonico.org e nas redes sociais que emprega o programa.
Unha vez fallado o concurso, os vídeos da proposta gañadora poderán ser empregados por Vigosónico a efectos da difusión do programa, por calquera medio de reprodución ou divulgación, facendo constar o nome dos/as autores/as.
• A organización poderá introducir, si o considera necesario, as modificacións que estime convintes para o bó funcionamento do concurso.
• Vigosónico poderá levar a cabo as accións que considere oportunas para difundir as obras presentadas, co fin de promocionar o concurso e o programa VigoSónico.
Bases do concurso en pdf (sen fotos 107kb): descargar
Bases do concurso en pdf (con fotos 283kb): descargar
Folla de inscrición para participara no concurso: descargar
Hai que facer a achega nas instalacións de VigoSónico.
Concello de Vigo. VigoSónico 